ADVENTS-VERSERL

Platzerl bacha,Gschenka kaffa

nebenbei no in´d Arbeit laffa

hektisch umananda hasten

koa Minut´n Zeit zum rasten

D´Wohnung schnell auf Hochglanz putzen

jede Stund vom Dog ausnutzen

im Keller drunt as Kripperl finden

Astl holen Adventskranz binden

und ned vergessen, Kart´n schreiben

ja, dazua konnst amoi hocka bleiben

Daß´d fei Verwandschaft ned vergisst

weil de sonst furchtbar zwider is

und jeden Dog, es is zum schreien

feiern mit an anderen Verein

ja, do muaßt hi, scho zwengs de Leit

a, wenns die um koa fünferl gfreit

zwischendurch, schnell Kerzn ozünden

oa Sekunden Andacht finden

Liadl mit de Kinder singa

und mit´n Opa Glühwein trinka

wennst dann moanst du konnst nimmer

dann muaß no schnell da Chridtbaam her

damit´s ja alle san beglückt

jed´s Zweigerl oanzeln werd dann g´schmückt

und steht der Baam dann voller Pracht

schlagt d´ Uhr scho wieder Mitternacht

wenn´s du dann glaubst,  jetzt is ois g´schehen

hast du ganz bestimmt was übersehen

die Zeit, wo´d Hausfrau rennt und rennt

nennt ma ganz  besinnlich dann "Advent"